தலைவலி வராமல் தடுப்பது எப்படி?

மனஅழுத்தம், உறக்கமின்மை, சோர்வு, உணவுகள், புகைபிடித்தல், மது அருந்துதல், மாசடைந்த சுற்றுச்சூழல், செயற்கை வாசனை திரவியங்கள், பலத்த ஓசை, காற்றோட்டமில்லாத அறை, அதிக வெளிச்சம், விட்டு விட்டு ஒளிரும் விளக்குகள் முதலியவை ஆகும்.

மன அழுத்தத் தலைவலி: மன அழுத்தம் காரணமாக இப்போது தலைவலி அதிகரித்து வருகிறது. குடும்பப் பிரச்சனைகள், செய்யும் வேலை முதலியவை இதற்கு காரணம்.

ஒற்றைத் தலைவலி: தலையின் முன்புறத்தில் ஒரு பக்கம் மட்டும் வலிப்பது இதன் முக்கிய அறிகுறி. அதிக ஒளியைப் பார்ப்பதால் கண்கள் கூசுவது, மங்கலான பார்வை, ஒரு கை மட்டும் மரத்துப்போவது, வாந்தி வருவது முதலியவை இதற்குரிய அறிகுறிகள்.

கொத்துத் தலைவலி: கண்களைச் சுற்றிக் கொத்தாக வலிக்கும். குறைந்தது ஒரு மணி நேரம் வலி நீடிக்கும். தினமும் குறிப்பிட்ட நேரத்தில் தலைவலி வரும்.

சைனஸ் தலைவலி: கண்களுக்கு மேலும் கீழும் வலி ஏற்படும். மூக்கில் சளி பிடிக்கும். மூக்கு அடைக்கும் அல்லது மூக்கு ஒழுகும்.

சாக்லேட், ஊறுகாய், வாழைப்பழம், பாலாடை, எலுமிச்சை, நிலக்கடலை, முந்திரி, பாதாம், பர்கர், பீட், கடல் உணவுகள், செயற்கை உணவுகள்.

போதியளவு ஓய்வெடுத்துக்கொண்டால், சாதாரண தலைவலி சரியாகிவிடும்.

அடுத்ததாக, தலையைச் சிறிது நேரம் அழுத்திக் கொடுக்கலாம். இளஞ்சூடான தண்ணீரில் துணியை நனைத்து ஒத்தடம் தரலாம்.

மனதை அமைதிப்படுத்த இனிய இசையை கேட்கலாம்.

தினமும் பழம், காய்கறி, கீரை சாப்பிடுங்கள். தினமும் உடற்பயிற்சி செய்யுங்கள்.

போதிய அளவு ஓய்வும், உறக்கமும் தேவை.

நீண்ட நேரம் கணினியில் பணி செய்யும்போதும், டைப் அடிக்கும்போதும் சரியான நிலையில் உட்காருங்கள்.

தொலைக்காட்சியை மிக அருகில் உட்கார்ந்து பார்க்காதீர்கள். குறைந்தது பத்து அடி இடைவெளி தேவை.

படுத்துக்கொண்டே படிக்காதீர்கள்.

தியானம், யோகாசனம், மூச்சுப்பயிற்சிகள் இவற்றில் ஒன்றைத் தினமும் செய்வது நல்லது.

தலைவலியைத் தூண்டும் காரணிகளைத் தவிருங்கள்.